არასამთავრობო ორგანიზაცია „სასკოლო კვლევების ცენტრი“ 1% –ის კანონზე მომუშავე არასამთავრობოთა კოალიცია „ძლიერი სამოქალაქო საზოგადოებისთვის“ წევრი გახდა.
ერთი პროცენტის კანონი გულისხმობს საშემოსავლო და მოგების გადასახადების გადამხდელებისათვის შესაძლებლობის მიცემას, რომ გადახდილი გადასახადიდან 1%-ი მიმართონ მათთვის სასურველი არასამთავრობო ორგანიზაციის დასაფინანსებლად. კამპანიის წარმატებით განხორციელების შემთხვევაში 13 000-ზე მეტ არასამთავრობო ორგანიზაციისათვის (საქართველოს სტატისტიკის ეროვნული სამსახურის ოფიციალური ინფორმაცია 2012 წლის 1 იანვრის მდგომარეობით) ხელმისაწვდომი გახდება 27 260 000 ლარიანი ფინანსური რესურსი 2013 წლის ბიუჯეტის გეგმის გათვალისწინებით.ერთი პროცენტის კანონის მექანიზმის საქართველოში წარმატებულად განხორციელების გარანტიას იძლევა პოსტ-კომუნისტური ქვეყნების მდიდარი საერთაშრისო პრაქტიკა. 1996 წლიდან დღემდე 1 პროცენტის კანონი წარმატებით განხორციელდა უნგრეთში, სლოვაკეთში, ლიტვაში, პოლონეთსა და რუმინეთში. 1 პროცენტის კანონმა გადამწყვეტი როლი ითამაშა ამ ქვეყნების დემოკრატიულ განვითარებასა და ევროპულ საზოგადოებაში ღირსეული ადგილის დაკავებაში.
დამატებითი ინფორმაცია აღნიშნული ინიციატივის შესახებ შეგიძლით იხილოთ ქვემოთ მოცემულ ლინკზე:
https://www.facebook.com/geoforonepercent/info
rcs.ge
სასკოლო კვლევების ცენტრი
მოგვწერეთ: info@rcs.ge